Uppskot til kommunala umskipan liðugt
Á fundi í dag varð uppskotið til kommunala
umskipan, sum Annika Olsen, landsstýriskvinna í innlendismálum, vegna
alt landsstýrið hevur umbiðið, lagt fram. Álitið ber heitið Kommunur,
eindir og uppgávur 2009.
Uppskotið fevnir serliga um
kommunusamanlegging, útlegging av eldrarøkt og fólkaskúla til
kommunurnar og fígging av hesum. Nevndin hevur lagt dent á, at einstøku
tilmælini eru partar av einum samlaðum tilmæli um kommunala umskipan.
Sambært
uppskotinum skulu 7-9 kommunalar eindir skipast 1. januar 2011.
Fólkaskúlin skal leggjast til kommunurnar 1. januar 2012 og
eldrarøktarøkið 1. januar 2013, tá ið umskipanartilgongdin endar.
Harumframt
skal skipast nýggj fígging, har høvuðsbroytingarnar verða eitt nýtt
býti av persónsskattinum millum land og kommunur, ein
afturberingarskipan av mistum kommunuskattainntøkum vegna frádráttir í
skattaskipanini, og millumkommunal javning.
Annika Olsen, landsstýriskvinna, gjørdi greitt, at landsstýrið tekur avgerð um kommunalu umskipanina í hesum árinum.
Uppskot til kommunala umskipan liðugt.doc
