• Heim
• Um okkum
• Limakommunurnar
• Skeið
• Hoyringar
• Kunningartilfar
• Til limir
• Slóðir

Støðan á økinum børn og ung

 Síðani Rósa Samuelsen gjørdist landsstýriskvinna í almannamálum, eru stórar og grundleggjandi broytingar framdar á stovnsøkinum børn og ung, har hvørki kommunur, barnaverndartænasturnar ella Barnaverndarstovan eru tikin við upp á ráð.

Úrslitið er ruðuleiki og ótryggleiki, ið kommunurnar hvørki politiskt ella fakliga longur kunnu góðtaka, siga formenninir í Kommunusamskipan Føroya og Føroya Kommunufelag í tíðindaskrivi í sambandi við atfinningar, ið landsstýriskvinnan hevur borið fram móti Barnaverndarstovuni, tá hon og barnaverndartænasturnar hava mælt frá at skipa bú- og viðgerðarstovn í Mjørkadali.

Tað eru kommunurnar og barnaverndartænasturnar, sum hava ábyrgdina av børnunum og teimum fyriskipanum, sum settar verða í verk. Tað eru eisini kommunurnar, sum gjalda fyri tað. Lat tí ongan iva verða um, at politiska, fíggjarliga og fakliga ábyrgdin hjá kommununum fylgir við, tá ið børnini eru í stovnstilboði hjá landinum ella uttanlands, siga teir báðir Heðin Mortensen og Asbjørn Djurhuus millum annað.

Støðan á økinum børn og ungp.pdf