KSF-húsið
Miðdepil fyri kommunalt virksemi
Í
2005 keypti Kommunusamskipan Føroya hús í miðbýnum í Tórshavn at hýsa
alsamt vaksandi virksemi felagsins. Húsini vórðu síðan umvæld, og í mars
2006 varð klárt hjá KSF at taka húsini í nýtslu.
KSF-húsið
Umframt
skrivstovuna hjá KSF hava eisini Barnaverndarstova Føroya og
Kommunala Arbeiðsgevarafelag Føroya skrivstovur teirra í húsinum.
Barnaverndarstovan
er felagskommunalur stovnur við heimild í løgtingslógini um
barnavernd. Aðaluppgávur hjá Barnaverndarstovuni eru m.a. at umsita
fosturforeldraskipanina, at veita barnaverndartænastunum og
samdøgurstovnum kring landið holla vegleiðing og ráðgeving, at virka sum
ráðgevi hjá landsstýrinum á barnaverndarøkinum, at styrkja og
samskipa barnaverndarøki, og at fáa til vega hagtøl og skipa fyri
gransking og menning á økinum.
Kommunala Arbeiðsgevarafelagið
er kommunalur felagskapur. Endamál felagsins er at fremja áhugamál
limanna í øllum málum um lønar- og setanarviðurskifti
starvsfólkanna. Limakommunurnar standa fyri rakstrinum av felagnum.
